跑步舍 討論區

[karlun]

Alfred.

盡信書不如無書.
最好是憑自己經驗.

祝你成功

[alfredyu]

教練我Mizuno 半馬跑出PB成績，1:50完成（比去年快了五分鐘），我今次hold住唔比自己前段太快，全程基本上均速跑完，最後三公里仲可以發力沖刺。今次全程都夠力用你教的正確跑姿，多謝一年來教練的教導。

[apltwmk]

教練您好：
我去年全馬跑4:02完成，我在教練的指導下首10K留前，後段32K全力跑。可是在30K起大腿便"抽筋"！教練，今年我也參加全馬，請問我是否需要妀變跑法？本人今年已48歲，一週跑五天，約70K，希望今年可小於3:40完成，能嗎？

[karlun]

跑到30公里左右大腿便抽筋,需要在訓練下苦功,練長課不夠又練得不夠快.
一星期應有一課練30公里或以上.速度是比賽時的85-90%.
坊間有些科學化訓練,每週跑約60-70公里,就可以跑出3小時30以下.
總之各施各法.根據各人目標而定.

[man28]

李SIR 你好,

我係阿RAY, 仲有幾日就到渣打比賽, 唔知有冇D 野要跑手們要注意下呢?

第一次比賽, 有D 緊張

謝謝

[karlun]

Ray,

多些休息,食多一點碳水化合物,(飯,麵,麵包,意大利麵等).
保暖勿著涼,減少訓練量.
比賽前一晚,就算瞓唔著都要躺在床上休息,將消耗降至最低.
比賽當天早上,定要進食,切勿飲奶類飲品,因有輕瀉作用.可喝些熱飲品(阿華田,好立克等).
比賽前一小時十五分到達場地.根據時間做熱身動作和慢跑.

祝好運

[man28]

多謝李SIR
我會記住啦

而家只希望膝頭的痛快點消去....

[candice2009]

教練,你好

我已跑步跑了兩年多了,亦打算三月參加4k的跑步比賽,
但近期練習,感到自己進步空間有限,所以希望教練能提點一下吧~~

由於已跑了一段時間,所以已有一定耐力,跑10k不會感到吃力,途中不用停下休息,
但自己的爆炸力不足,如跑4k時,想在3.5k想發力衝,但總是有心無力,
有朋友曾建議我間歇跑,快衝300米,再慢跑300米,再快衝300米,不斷重覆6次的,
但用這方式練習1個月後,感到進步不大,因每次衝200米已無力再衝……
接著又有朋友建議跑長命斜,快跑上斜,慢跑落斜,但每次上斜2/3後又是無力再衝……
所以想請問教練應用什麼方法才可加強跑步的爆炸力?
(其實去年尾己參加了一個6k比賽,但只能以約29分10秒完成,成績不太理想,與第一名相比,足足慢了7分鐘……)

另外,我近期跑步時嘗試用"腹式呼吸",但感覺怪怪的,
因跑步吸氣時將肚澎脹,感覺很不自然,
教練你所提倡"腹式呼吸"是否除了"吸氣時將肚澎脹,呼氣時將肚收縮",還有其他注意事項?
由於我是住在澳門,不能親臨看示範,希望能在此介紹一下的~~
謝謝

[lchoi]

教練, 你好:

大約一個月前, 我左邊pat pat 下半部同對落少少, 平日行路, 訓覺轉身時同坐係度時, 都有少少痛. 唔知道係咪因為自己練跑時整傷.

我試過搽按摩膏, 痛楚係減輕左, 但而家始終都仲有少少痛.

仲有個零月就渣打馬拉松, 請問有無辨法可以幫助快d recover?

我而家每日平均跑8km, weekend就練30km以上, 上星期岩岩練完38k.

唔該教練

[karlun]

Pat Pat下半部和落少少痛,通常跑得太大步或者跑落斜坡太快有關.
治療方法(1)針灸,(2)推拿.
祝早日康復.

[lchoi]

教練, 你好,

我近排左邊小腿對上關節個條筋 (非膝頭正面, 係膝頭後面) 有d痛, 條筋郁動時feel到唔太順, 唔知你有無建議可以幫到我?

多謝你.

[karlun]

如果是膝關節後面,可能是淋巴發炎,做推拿即可.

[Amy]

嘉綸教練:

謝謝你在HKU training中的教導和介紹螺旋藻. 今年是我第三次參加渣打半馬,上次成績1:58. 這幾個月都有練習和參加一些10km的比賽,平均5.1min/km. 這兩天我都會繼續練跑,信心一般,只有盡力而為.

聽說比賽前一星期應休息,不跑. 是正確的嗎? 這一星期應練体能嗎?

另外,也聽說過 carbo-loading (先戒carbohydrate幾天, 再加回幾天), 是否只適用於全馬?

感謝萬分!

[karlun]

比賽前一星期不跑步練習,是錯誤的.可以根據所参加項目以定.
半程馬拉松最後一課速度在星期四,星期五,星期六,可以慢跑30分鐘.至於體能可在星期一或二做.

carbo-loading 根據統計約50,50未必人人適合.我會在星期四或五進食適量牛肉,補血之用,幫助帶氧功能.適用於任何耐力帶氧運動.
全馬比賽前一天,多食米飯,意大利麵等.
比賽前一星期戒食寒涼食物,像白蘿蔔,綠茶,雪梨等.

[Amy]